கேரட்டில் கொட்டிக்கிடக்கும் நன்மைகள்.. தெரிந்தால் ஆச்சரியப்படுவீர்கள்.. 🥕 கேரட் சாப்பிடுவதால் கிடைக்கும் நன்மைகள் ஏராளம்.

கேரட்டில் கொட்டிக்கிடக்கும் நன்மைகள்.. தெரிந்தால் ஆச்சரியப்படுவீர்கள்.. 🥕

கேரட் சாப்பிடுவதால் கிடைக்கும் நன்மைகள் ஏராளம்.

கேரட்டின் நன்மை : 

நோய் எதிர்ப்பு சக்தியை அதிகரிக்கும் : கேரட்டுக்கு ஏராளமான ஆரோக்கிய நன்மைகள் உள்ளன. கேரட் வைட்டமின் ஏ- வை பீட்டா கரோட்டின் வடிவத்தில் சேமிக்கிறது. இது நமது நோயெதிர்ப்பு சக்தியை பலப்படுத்துகிறது மற்றும் நோய்த்தொற்றுகள், அழற்சியை எதிர்த்துப் போராட உதவுகிறது.

எடை இழப்பு :  

கேரட் ஒரு நார்ச்சத்து வேர்கள் என்பதால், அவை ஜீரணிக்க அதிக நேரம் எடுக்கும். எனவே அதை சாப்பிடுபவர்களுக்கு அவ்வளவு பசி ஏற்படாது. இதனால் எடை அதிகரிப்பை தடுக்கலாம். உடல் எடை அதிகம் கொண்டிருப்பவர்கள், அதிக கொழுப்பைக் கொண்டவர்கள். இது அவர்களில் இதயத் தடுப்பு அபாயத்தை உயர்த்தும். கேரட்டை வழக்கமாக உட்கொள்வது அதிகப்படியான கொழுப்பின் அளவைக் குறைக்கிறது.

சருமத்தை மேம்படுத்துகிறது : 

தோலில ஈரப்பதத்தைத் தக்கவைக்க பெரும்பாலான மக்கள் எண்ணெய்கள் மற்றும் மாய்ஸ்சரைசர்களை உபயோகிப்பார்கள். அதுவே கேரட்டில் வைட்டமின் ஏ பீட்டா கரோட்டினாக உள்ளது. ஆய்வின்படி, தோல் செல்களை வழக்கமாக மாற்றுவதில் வைட்டமின் ஏ உதவுகிறது என்று கூறப்பட்டுள்ளது.

புற்றுநோய் எதிர்ப்பு பண்புகள் : 

மற்றொரு ஆய்வின்படி, கேரட்டில் நான்கு வகையான பைட்டோ கெமிக்கல்கள் உள்ளன. இவை கரோட்டினாய்டுகள், பினோலிக்ஸ், பாலிசெட்டிலின்கள் மற்றும் அஸ்கார்பிக் அமிலம் ஆகும். அவற்றின் ஆக்ஸிஜனேற்ற பண்புகளால் கட்டிகள் மற்றும் புற்றுநோய்களின் அபாயங்களைக் குறைக்க முடியும். கேரட்டில் உள்ள பாலிபினால்கள் புற்றுநோய்க்கு எதிரானவை. ஏனெனில் அவை ஃப்ரீ ரேடிக்கல்களை அழிக்கின்றன.

அதிக அளவு இனிப்பு சாப்பிடுவது உடல் ஆரோக்கியத்தை கெடுக்கும். நீரிழிவு நோயை ஏற்படுத்தும். இருப்பினும் இயற்கையான , சத்தான இனிப்புகளை அளவோடு சாப்பிடுவதால் தீமைகளை காட்டிலும் நன்மைகள் அதிகம்.

கேரட்டில் அதிக அளவிலான நார்ச்சத்து, பொட்டாசியம் போன்ற சத்துகள் அடங்கி உள்ளது. கேரட்டை சமைத்து உண்பதை விட, பச்சையாக சாப்பிடும் போது அதிலுள்ள பெரும்பான்மையான சத்துக்கள் அப்படியே கிடைக்கும். கால்சியம், வைட்டமின் ஏ, டி, இ சத்துக்கள் அதிகம் நிறைந்தது கேரட்.

கேரட்டில் வைட்டமின் ஏ சத்து நிறைந்துள்ள காரணத்தால் இவை ஆரோக்கியமான கண்களுக்கும், சருமத்திற்கும், உடல் வளர்ச்சிக்கும் மிகவும் உதவுகின்றது. இதில் நிறைந்துள்ள பீட்டா கரோட்டீன் கொழுப்பை கரைக்கும் வல்லமை பெற்றது.

தினமும் ஒரு கேரட் சாப்பிடுவதன் மூலம், உடலில் உள்ள தேவையற்ற கொழுப்புகளை அகற்றலாம் குடல் புண்கள் வராமல்  தடுக்கிறது. கேரட் சாற்றுடன், எலுமிச்சை சாறு கலந்து சாப்பிட்டால் பித்த கோளாறுகள் நீங்கும்.

பாதி வேகவைத்த முட்டையுடன், கேரட் மற்றும் தேன் கலந்து சாப்பிட்டு வந்தால் ஆண்மை சக்தி அதிகரிக்கும். வயிற்றுப்  போக்கு, வயிற்றுப் பொருமல், மூல உபத்திரம், வயிற்றுவலி இருப்பவர்கள், கேரட்டை திப்பியில்லாமல் அரைத்து ஜுஸாகக்  குடிக்கலாம், விரைவில் குணமடையும்.

 

பால் பிடிக்காத குழந்தைகளுக்கு கேரட் மில்க் ஷேக் செய்து கொடுக்கலாம். இதில் கால்சியம் இருப்பதால் எளிதில் ஜீரணமாகும். வாயுத் தொல்லையால் அவதிப்படுவர்களுக்கு கேரட் ஜுஸ் மிகவும் நல்லது. பசியைத் தூண்டி, சிறுநீர் பெருக்கியாகவும்  செயல்படும். சருமம் வறண்டு போய், அரிப்பு ஏற்பட்டால், கேரட்டைத் துருவி சாலட் ஆகச் செய்து சாப்பிடலாம்.

 

இன்சுலின் அதிகம் சுரக்க உதவுகிறது. கேரட், சர்க்கரை நோயாளிகள் கேரட்டை அளவோடு எடுத்துக் கொள்ளலாம். கேன்சர் நோயாளிகளுக்கு கீமோதெரபி கொடுக்கும் போது பக்க விளைவுகளின் வீரியத்தைக் குறைக்க 48 நாட்கள் கேரட் ஜுஸ் குடிப்பது  நல்லது.

 

சிறுநீர் கழிக்கும் போது உண்டாகும் எரிச்சல், அந்த இடத்தில் உருவாகும் புண் போன்றவற்றைக் குணமாக்க, கேரட்டை  பச்சடியாக செய்து சாப்பிடலாம், உடனடி பலன் கிடைக்கும்.

 

மாலை கண் நோயை வராமல் தடுக்க உதவும். இரத்ததில் உள்ள கொழுப்பை குறைத்து புற்று நோய் வராமல் காக்கிறது. கேரட்டை பச்சையாக சாப்பிடுவதன் மூலம் இதய நோய்கள் வராமல் தடுக்க முடியும்.

 

கொலஸ்ட்ராலை குறைக்க கூடிய நார்ச்சத்துகள் இதில் அதிகம் உள்ளது. கேரட்டில் உள்ள பீட்டா கரோட்டின் கண் பார்வையை  வலுவாக்குகிறது. வாரத்திற்கு மூன்று முறை காரட் சாப்பிடுவதால் மாலைக்கண் நோய் வராமல் தடுக்கலாம். விட்டமின் ஏ இதற்கு காரணமாகிறது. கேரட் சாப்பிடுவதால் முகம் பொலிவு பெற முடியும்.